Қызылордада қатты жел тұрып, сауда үйінің шатырын жұлып әкетті

Қызылорда қаласында бүгін, 11 қыркүйекте таңертең қатты жел тұрып, сауда үйінің шатырын ұшырып әкеткен. Жалбыраған көлемді құрылыс жабындысы ғимарат жанындағы көліктердің үстіне түскен, деп хабарлайды Zakon.kz.

"Бүгін сағат 11-тен 34 минут өткенде облыс ТЖД-ға қатты желдің (екпіні 22 м/с дейін) салдарынан Қызылорда қаласы, Қазыбек би көшесі, 13 мекенжайдағы "Гүлжан" сауда үйінің 180 шаршы метр болатын шатыры құлағандығы туралы ақпарат келіп түсті (ғимараттың жалпы ауданы 400 ш. м.). Нәтижесінде 2 жеңіл автокөлікке зақым келді. Қаза болғандар мен зардап шеккендер жоқ. Оқиға орнына ТЖД-нен 11 қызметкер және 2 бірлік техникасы жұмылдырылды".  Қызылорда облысы ТЖД баспасөз қызметі