Полицейлердің мәліметінше, күдіктінің жалдамалы пәтерінен мефедрон, сондай-ақ жалпы салмағы 139 грамм болатын "альфа–PVP" есірткі заты табылған. Бұған қоса мефедрон салынған орамалар тәркіленген.
Сондай-ақ дәрі-дәрмек өндірісінде қолданылатын материалдар мен жабдықтар: шприцтер, қолғаптар, лакмус қағазы, электр лентасы, прекурсорлар мен тұз қышқылы бар ыдыстар, арнайы зертханалық шыны ыдыстар, электронды таразылар табылды.
"Күдікті мүліктік қылмыстар жасағаны үшін сотты болған. Бұл факті бойынша ҚР Қылмыстық кодексінің 297-бабының 2-бөлігі бойынша қылмыстық іс қозғалды. Ол уақытша ұстау изоляторына қамалды". Алматы полиция департаменті