Ведомствоның баспасөз қызметі хабарлағандай, оталарды академик Н.Батпенов атындағы травматология және ортопедия ұлттық ғылыми орталығының хирургтары жасады.
Облыстық денсаулық сақтау басқармасында атап өткендей, екі науқастың да полижарақаттану және жасалған ота көлеміне байланысты жалпы жағдайы ауыр. Аяқ саусақтарының қозғалысы мен сезімталдығы сақталған. Қарқынды терапия жүріп жатыр, екекі де дәрігерлердің бақылауында.
Бұған дейін хабарланғандай, Таразда №44 орта мектептің түн жарымында құрылыс жұмыстары жүріп жатқан үшінші қабатынтағы кабинеттің бірінен өрт шыққан. Бес құрылысшы зардап шекті. Екі қыз үшінші қабаттан секірген. Зардап шеккендер дереу Тараз қалалық көпсалалы ауруханасының жансақтау бөліміне жеткізілді.