Ведомствоның 25 қыркүйекте шығарған қаулысына сай, Ұлытау облысы Сәтбаев аудандық соты ер адамды осы қылмыстарды жасағаны үшін кінәлі деп танып, алты жыл бас бостандығынан айырды.
"Тергеу 2016 жылы сотталғанның отбасымен бірге Сирияға кеткенін, ол ДАИШ (Қазақстанда тыйым салынған) ұйымының құрамында болғанын анықтады".ҚР Ұлттық қауіпсіздік комитетінің баспасөз қызметі
Ведомствоның мәліметінше, қабылданған шаралардың нәтижесінде содырдың шетелде жүрген жерін анықтауға, содан кейін шетелдік серіктестердің көмегімен оны ұстап, 2023 жылдың маусым айында Ұлттық қауіпсіздік қызметінің бақылауымен жеткізуге мүмкіндік туды.
"2023 жылғы 22 қыркүйекте үкім заңды күшіне енді", - деп түсіндірді ҚР Ұлттық қауіпсіздік комитетінің баспасөз қызметі.
2023 жылдың 23 қыркүйегінде Қостанай облысының аудандық соты терроризмді насихаттады және діни араздықты қоздырды деген күдікке ілінген азаматты жеті жылға бас бостандығынан айырғаны белгілі болды. Үкім 20 қыркүйекте күшіне енді.
