Айта кетейік, 5 қазанда Алматы облысында Қайыңды көліне баратын жолда ірі апат болды. Туристер мінген екі автобус бетпе-бет соқтығысқан. 36 жастағы жолаушы оқиға орнында көз жұмды, алтауы ауруханаға жеткізілді.
Алматы облысы полиция департаментінің басшысы Бауыржан Әленовтің айтуынша, 47 жастағы автобус жүргізушісі қарсы келе жатқан көлікке шығып кетіп, 1997 жылы туған азамат О.-ның басқаруындағы УАЗ көлігімен бетпе-бет соқтығысқан. Аталған факті Кеген аудандық полиция бөлімшесіне ҚР Қылмыстық кодексінің 345-бабы, 3-бөлігі бойынша қылмыстық құқық бұзушылық фактісі болып тіркелді.
Облыстық денсаулық сақтау басқармасының мәліметінше, зардап шеккендердің арасында 20 әйел және 14 ер адам бар.
"Барлық зардап шеккен адамға алгоритм бойынша толық көлемде жедел медицина көмегі берілді. Оқиға орнына 13 жедел жәрдем бригадасы мен ТМСП бригадасы (28 қызметкер және 14 бірлік жедел жәрдем көлігі) жіберілді".Алматы облысы денсаулық сақтау басқармасының баспасөз қызметі
Бөлімдегілер бір науқас Кеген аудандық ауруханасында, екеуі Шелек ауылындағы аудандық ауруханада, тоғыз адам Алматыдағы көпсалалы клиникалық ауруханада ем қабылдап жатқанын түсіндірді.
"Науқастардың жағдайы орташа ауыр".Алматы облысы ҰҚК баспасөз қызметі
Бұл мәселе Алматы облысы әкімінің бақылауында.