"Алтын Орда" базарындағы заң бұзушылықтар бойынша Болат Назарбаевқа базардың иесі ретінде айып тағылды ма?" деген сұраққа жауап берген министр базардың құжаттамасында мұндай тұлға жоқ екенін айтты.
"Біз көріп, зерттеген құжатта ол иесі болып саналмайды, сондықтан ол жөнінде бөлек айта алмаймын, оның иесі – Болат Назарбаев, оның қатысы бар деп заң тұрғысынан айта алмаймын. Бізде меншік иесі болып саналатын тұлғалар бар – ол ЖШС. Жол картасына солар қол қойып, міндеттеме алды, сұрақ соларға қойылады. Яғни, олар – тізімге тіркеліп, ресми меншік иелері болып саналатын адамдар". Арман Шаққалиев
Бұған қоса ол қазір құқық қорғау органдары базар бойынша заңды түрде тіркелген тұлғаларды тексеріп жатқанын баса айтты.
Бас прокуратура "Алтын Орда" базарының қызметінде Қазақстанның үш жүзден астам заңнамасын бұзу фактілерін анықтаған еді.
