Қала басшысына телеарна жұмысының нәтижелері туралы баяндалды. Almaty арнасының бас директоры Тимур Базарбаевтың айтуынша, соңғы 1,5 жылда телеаудиторлардың өсуі шамамен 70% -ды құрады, ал сайтты қарау 5 есеге-жылына 9-дан 45 млн-ға дейін өсті. Бұл ретте коммерциялық кірістер 65% - ға, ал медиа сатушы желісі бойынша 2 есе өсті.
Сондай-ақ, Almaty телеарнасы республикалық мәртебеге ие болды және бүкіл ел бойынша міндетті арналар тізіміне енді. Ребрендинг жүргізілді әрі хабар таратудың бүкіл тұжырымдамасы түбегейлі өзгерді. Барлық бизнес-процестер оңтайландырылып, қызметкерлердің жалақысы 50% - ға артты. Жаңа маусымда көрермендер үшін 18 тележоба дайындалды. Өз өндірісінің мемлекеттік тілдегі үлесі 83% - ға жетті.
Сондай-ақ, әкімге телеарнаның жаңарған түсірілім павильоны таныстырылды, онда ашылғанына 6 жыл өткен соң биыл модернизация жүргізілді. Студияның пайдалы алаңы 2 есеге ұлғайтылды: әлеуметтік, мәдени, зияткерлік және басқа да телевизиялық жобаларды түсіру үшін 4 локация құрылды.
Жаңа әмбебап көпфункционалды кеңістік кез-келген түсірілім форматына сәйкес келеді. Реконструкциялау аясында кез-келген күрделі тележобаларды түсіруге мүмкіндік беретін заманауи бейімделгіш декорациялар салынды, төзімді полимерлі толтырғыш жабын қолданылды. Сонымен қатар, жаңа түсіру және монтаждау жабдықтары қойылды.
Ерболат Досаев телеарнаның қызметімен танысып, жаңа технологиялардың дамуын ескере отырып, өндірістік-техникалық базаны одан әрі жаңарту қажеттігіне назар аударды. Адами капиталды дамыту шаралары техникалық қолдаумен бірге арнаға уақыт талаптарына жауап беретін жоғары сапалы өнім жасауға мүмкіндік беретіні атап өтілді.
Біздің қала үшін Almaty телеарнасы ерекше рөл атқарады. Алматылық рухты қолдау және қала тұрғындарына жақсы көңіл-күй сыйлау - арнаның басты міндеті. Бүгінде арнаның контенті Алматының өзекті күн тәртібін көрсетеді және қаланың әр тұрғыны арнадан керегін таба алады, - деді Ерболат Досаев әрі телеарна ұжымына қаладағы оқиғаларды жариялаудағы жұмысы үшін алғысын білдірді.
Мегаполис басшысы қаланың ғана емес, еліміздің басқа өңірлері тұрғындарының да аудитория талаптарына баса назар аударуды және хабар тарататын контентті түзетуді айтты. Сондай-ақ, әкім Алматыдағы креативті индустрия кәсіпорындарымен ынтымақтастықты арттырудағы арнаның болашағын атап өтті.
