Облыстық Полиция департаментінің хабарлауынша, бір күн бұрын Ұзынағаш-Күрті тас жолында Мерседестің 20 жастағы жүргізушісі қарсы жолаққа шығып кетіп, Toyota көлігімен бетпе-бет соқтығысқан.
Соқтығыс салдарынан Мерседестің екі жолаушысы, 2002 және 2003 жылы туған жастар оқиға орнында көз жұмды. Жүргізуші мен 15 жастағы жолаушы түрлі дене жарақатымен Жамбыл аудандық ауруханасына жатқызылды. Әзірше олардың жағдайы туралы ақпарат жоқ.
"Факті аудандық полицияға ҚР Қылмыстық кодексінің 345-бабы бойынша тіркеліп, жол-көлік оқиғасының барлық мән-жайын объективті тексеріліп жатыр. Барлық қажет тергеу әрекеттері жүргізіліп жатыр", - деп хабарлады полициядағылар.
Құқық қорғау органдары жол-көлік оқиғасына қатысқандардың кім екенін айтпады. Алайда әлеуметтік желілерде олардың арасында "Саяхатшы Диас" деген атпен танымал блогер әрі тиктокер бар деген ақпарат пайда болды.
2023 жылдың басында танымал қазақстандық музыкант Дархан Жүнісбеков (Darkhan Juzz) Таиландта жол апатынан қайтыс болды.