Полицияның 14 қарашадағы есебінде айтылғандай, топ мүшелерінің жасы 20 мен 40 жас аралығында. Олардың көбі бұрын да бірнеше рет қылмыстық жауапкершілікке тартылғаны белгілі болды.
"Ұзақ уақыт бойы ұсталғандар қорқыту және физикалық күш қолдану арқылы екі жергілікті кәсіпкерден ақша бопсалап, олардың BMW және БА3-2114 маркалы автокөліктерін иемденген. Тексеру барысында оқ-дәрілермен бірге төрт атыс қаруы, есірткі заттары және басқа да заттай айғақтар табылды".Шымкент қалалық Полиция департаменті
Құқық қорғау органдарының мәліметінше, полицияға он адам жеткізілді. Оның ішінде топтың ең белсенді төрт мүшесі қамауға алынды.
"Қазір ҚР Қылмыстық кодексінің бірнеше бабы бойынша сотқа дейінгі тергеу амалдары жүргізіліп жатыр".Шымкент қалалық Полиция департаменті