Бұл жөнінде 2023 жылғы 15 қарашада Жетісу облыстық сотының баспасөз қызметі хабарлады.
"Талдықорған қаласының мамандандырылған тергеу сотының 2023 жылғы 14 қарашадағы қаулысымен күдікті К.-ға қатысты "күзетпен ұстау" бұлтартпау шарасын екі ай мерзімге санкциялау туралы өтінішхат қанағаттандырылды". Жетісу облыстық сотының баспасөз қызметі
Қаулы заңды күшіне енген жоқ.
2023 жылғы 13 қарашада әлеуметтік желілерде Талдықорған қалалық полиция басқармасының бастығы Марат Күштібаев 27 жастағы әйелді зорлады деген күдікпен ұсталғаны жөнінде ақпарат тарады. Бұл ақпаратты Жетісу облыстық полиция басқармасының бастығы Атығай Арыстанов растады.
