Алматы қалалық қоғамдық денсаулық сақтау басқармасының хабарлауынша, Әди Шәріпов көшесіндегі өрттен зардап шеккен 2 адам Алматы қалалық жедел шұғыл көмек көрсету ауруханасына жеткізілген.
"Науқастың бірі көмірқышқыл газымен улану диагнозымен ауруханаға жатқызылды, жағдайы орташа ауырлықта, тұрақты. Екінші науқас барлық тексеруден кейін ұсыныстармен амбулаторлық емдеуге жіберілді".Алматы қалалық қоғамдық денсаулық сақтау басқармасының баспасөз қызметі
Өрт орнына 7 жедел медициналық қызмет бригадасы жұмылдырылды. Барлық зардап шеккен адамға толық көлемде қажетті медициналық, соның ішінде психологиялық көмек көрсетіледі.
Алматыда 30 қараша күні таңертең ертемен Әди Шәріпов көшесінде орналасқан хостел өртенді. Өрт салдарынан 13 адам қаза тапты.