Қаржылық мониторинг агенттігінің 5 желтоқсан күні хабарлауынша, Ақтауда "Багис" ЖШС басшылығына қатысты қылмыстық іс тергеліп жатыр. Компания басшысына салымшылардың сеніп тапсырған ақшалай қаражатын иемденді және талан-таражға салды деген айып тағылып отыр.
"Тергеу барысында ЖШС директоры 2017 жылдың наурызы мен 2022 жылдың қыркүйегі аралығында тұрғын үй кешенін құрылысын аяқтау сылтауымен 119 үлескердің ірі көлемде 400 млн теңгеге жуық ақшалай қаражат иемдегендігі анықталды".ҚР ҚМА баспасөз қызметі
ЖШС басшысы сот үкімімен қамауға алынды.Қазіргі уақытта қылмыстық іс бойынша тергеу әрекеттері жүргізілуде, қосымша сот сараптамалары жүргізіледі, соның нәтижелері бойынша күдіктінің іс-әрекеттеріне түпкілікті құқықтық баға беріледі.
