Қарағанды облыстық полиция департаментінің баспасөз қызметінің мәліметінше, күдіктілер жәбірленушілерге физикалық және моральдық қысым көрсету арқылы ақша бопсалаған.
"Сонымен қатар қылмыстық топтың қатысушылары қару қолданып, криминалдық жанжалдарға қатысқан және осы облыстың Абай ауданына қарасты теміржол станциясында тасымалданатын жүктерді ұрлаған". Қарағанды облысы ПД баспасөз қызметі
Күдікті адамдарды ұстау барысында 15-ке жуық тінту іс-шаралары жүргізілді, соның нәтижесінде тіркелмеген атыс және суық қарулар, сондай-ақ оқ-дәрілер мен діни әдебиеттер тәркіленді.
Барлығы 10 адам ұсталды, олардың ішінде топтың көшбасшысы мен ең белсенді төрт мүшесі қамауға алынды.
"Қазіргі уақытта қылмыстық топ мүшелерінің басқа да осындай қылмыстарға қатысы бар-жоғы тексеріліп жатыр".Қарағанды облысы ПД баспасөз қызметі
