"Вечерняя Караганда" Telegram-арнасының хабарлауынша, сағат 6:00 шамасында Қарқаралы қаласының шетінде қасқыр екі әйелге шабуыл жасаған.
"Денсаулық сақтау басқармасының мәліметінше, орталық облыстық ауруханаға жануар қапқан екі әйел түсті. Бірінің қолында жарақат бар. Екіншісін қасқыр бірнеше рет терең тістеп алған", - делінген хабарламада.
Қала тұрғындарының бірі қасқырдың адамдарға шабуыл жасап жатқанын фотоға түсіріп алған. Қасқыр бір үйір қаңғыбас иттермен бірге Қарқаралының іргесін кезіп жүрсе керек.
Қарағанды облысының полиция департаменті Zakon.kz сайтына полиция ветеринария органдарымен бірлесіп агрессивті жабайы жануарды ату шараларын жүргізіп жатқанын хабарлады. Қасқыр әлі атылған жоқ. Қазір зардап шеккендердің қандай жағдайда екені белгісіз.
"Бүгінде Қарқаралының көп тұрғыны балаларын мектепке жіберуден бас тартты", - деп жазды "Вечерняя Караганда".
Бұған дейін Шығыс Қазақстан облысындағы аудандардың бірінің тұрғындары жыртқыштар малға шабуыл жасап, ауылдарға кіріп кеткендіктен, қасқыр атуды қайта бастауды сұраған еді.
