Баланы табу үшін өзеннің төмен ағысы бойынша мұзды қолмен жаруға тура келді.
Бала суға түсіп кеткен жерден 75 метр қашықтықтан табылды, деп хабарлады полиция.
Полиция азаматтардан өз өміріне қауіп төндірмеуді және мұз үстіне шықпауды сұрайды.
Абай облысы ПД баспасөз қызметінің мәліметінше, 22 желтоқсанда сағат 12:54-те Үржар ауданының учаскелік полиция инспекторы Таскескен ауылында бес жасар баланың мұз астына түсіп кеткенін хабарлады. Бала достарымен ауылдың шетінде орналасқан Қаракөл өзенінің үстінде ойнаған.
"Шошып кеткен баланың достары ересектерге көмек сұрау үшін тұра жүгірген. Куәгерлер оқиға орнынан учаскелік полиция қызметкеріне дереу қоңырау шалды, ол өз кезегінде құтқарушыларды шақырған", - деп хабарлады облыстық полиция департаменті.
