Жол-көлік оқиғасына қатыстылардың айтуынша, жол апатына түрткі Toyota Camry көлігі Солтүстік айналма жолмен солтүстік бағыттан келе жатқан. Қозғалыс кезінде ол жолдың әр жолағына өтіп, ары-бері ойқастай берген. Осындай маневрлердің бірінде Toyota Chevrolet Cobalt көлігіне соғылады.
Сурет: Zakon.kz
Одан кейін Toyota Chevrolet Nexia-ға қарай ұшып кетеді.
Сурет: Zakon.kz
Соққыдан Nexia жол шетіне ұшып, тротуарға шығып кетеді.
Сурет: Zakon.kz
Ал бұл кезде Toyota жолдың қарама-қарсы бөлігіне ұшып, Nissan Primera, Mercedes-Benz көліктеріне соқтығысып, ақырында Toyota Land Cruiser Prado-мен бетпе-бет түйісіп барып тоқтайды.
Сурет: Zakon.kz
Оқиға орнына жеткен полиция қызметкерлері жол-көлік оқиғасы орын алған орынды қоршады. Осыған байланысты бұл бағытта көлік кептелісі болды.
Сурет: Zakon.kz
Алдын ала ақпарат бойынша, 7 адам ауруханаға жатқызылды. Toyota Land Cruiser Prado-дағы балаларымен қоса әйел адам зардап шекті. Балалардың бірінің қолы сынғаны айтылады.
Сурет: Zakon.kz
Апаттың барлық мән-жайын жол полициясының қызметкерлері анықтайтын болады.