Қазіргі таңда көрші облыстардан қосымша техника жеткізіліп, Ақтөбе- Хромтау учаскесінде 28 жол техникасы жұмылдырылған. Жолшылар тәулік бойы қар тазалауда, дегенмен жұмыс жылдамдығына ауа райынан басқа да әсер ететін факторлар бар. Бұл - жолда қалған көліктер.
"Жолшылар 200-ден астам көлікті алып шыққанымен, боранның алғашқы күндерінде ірі габаритті жүк көліктерін жолда екі қатармен қалдырып кеткен жүргізушулер бар. Сол себептен арнайы техниканың қозғалысы қиындап жатыр. Әр жүк көлікті қардан шығаруға кемі 40 минуттай уақыт жұмсалып, жұмысты жылдамдату үшін бульдозерлер қолданылып жатыр". "ҚазАвтоЖол"
"ҚазАвтоЖол" ҰК" АҚ Ақтөбе облыстық филиалы директоры Айбол Данағұлдың айтуынша "Қауіпсіз қозғалыс мүмкіндігі қамтамасыз етілген сәтте, бірінші кезекте жеңіл көліктерге жол ашылады".
Барлық өзекті ақпаратпен ҚазАвтоЖолдың" әлеуметтік желідегі парақшаларынан, Sapar мобильді қосымшасында және 1403 байланыс орталығы арқылы танысуға болады.