"ҚазАвтоЖолдың" хабарлауынша, жолшылар "Астана-Ерейментау-Шідерті" автожолының 34-шақырымындағы айналма жолдың маңындағы еріген судың ағып кетуін қамтамасыз етті.
Су өткізетін құбырларды тазалау түнде басталған. Учаскеге шұғыл түрде қажет техника жеткізілді. Қазіргі сәтте су тасқынының қаупі жоқ.
Атырау және Батыс Қазақстан облыстарында республикалық маңызы бар автожолдардағы су өткізу құбырларын тазалау штатты режимде жүзеге асырылып жатыр.
"Бүгінде тасқын қаупі жоқ болғанымен, жол-пайдалану учаскелерінде арнайы кезекшілік ұйымдастырылды", - деп қосты ведомство.