ҚР ТЖМ баспасөз қызметінің хабарлауынша, 24 наурызда сағат 17:48-де ТЖД кезекшісінің пультіне бес қабатты тұрғын үйдегі пәтердің өртенгені туралы хабарлама келіп түсті.
"Құтқарушылар бригадасы өрт орнына келіп, бес азаматты, оның ішінде екі баланы құтқарды. Сондай-ақ, өрт сөндірушілер тағы бес адамды эвакуациялады. Жергілікті жерде отты жоюға жеке құрамның 30 адамы және 7 бірлік техника жұмылдырылды. Өрт сағат 18:19-да жойылды. Өрттің алдын-ала нұсқасы - электр сымдарының қысқа тұйықталуы. Өрт орнында 1953 жылы туған ер адамның денесі табылды".
ТЖМ азаматтарды өрт қауіпсіздігі ережелерін сақтауға шақырады.