Абай облысында немересімен бірге жоғалып кеткен ер адам табылды

30 наурызда таңертең, сағат 09-30 уақыт шамасында Абай облысының құтқарушылары 1965 жылы туған ер адам мен оның 2013 жылы туған немересін тапты. Құтқару операциясы сәтті өтті, деп хабарлайды Zakon.kz.

ҚР ТЖМ мәліметінше, олар елдімекеннен 25 шақырым қашықтықта іздеу-құтқару жұмыстары барысында табылды.

"Құтқару жұмысына Қорғаныс министрлігінің тікұшағы тартылды. Тікұшақ ауаға көтерілді. Жоғалған адамдарға медициналық көмек қажет болған жоқ", делінген хабарламада.