ҚР ТЖМ баспасөз қызметінің хабарлауынша, 2024 жылы 6 сәуірде Жылыой ауданының Құлсары қаласында 1974 жылғы ер адам досымен бірге рұқсат ету құжатынсыз су басқан тұрғын үйді тексеру үшін трактормен аттанып, жолда аударылып қалған.
"Іздеу жұмыстарына жеке құрамнан 3 адам және 1 жүзу құралы жұмылдырылды. ТЖМ азаматтарды су тасқыны кезеңінде өте мұқият болуға және қауіпсіздік шараларын қатаң сақтауға, тиісті рұқсатсыз үйлер мен эвакуациялау пункттерінен кетпеуге шақырады", делінген құзырлы ведомство хабарламасында.
Айта кетсек, 39 ауданда зардап шеккен елдімекендер қоршауға алынды. Қараусыз қалған 1 266 тұрғын үй мен басқа да нысандар күзетілуде.
