News.am ақпарат агенттігі жазғандай, құрбандар мен зардап шеккендер жоқ. Куәгерлер жүк көлігінің баяу келуінің әсерінен, адамдар дер кезінде қашып үлгергенін жеткізді. Наразылық білдірушілер полиция жүргізушіні алып кеткенше, көлікті қоршап алған.
Кейінірек Арменияның Тергеу комитеті КамАЗ жүргізушісін қасақана қылмыс жасады деген күдікпен ұстағаны туралы хабарлады.
"Полицияға 9 мамырда Еревандағы Республика алаңындағы "Отан үшін Тавуш" бастамасының митингісі кезінде белгісіз адам митингке қатысушылардың арасына КамАЗ жүк көлігімен кіргені туралы хабар келіп түсті. Осы іс бойынша қылмыстық іс Қылмыстық Кодекстің 297-бабының 1-бөлігінің белгілері бойынша қозғалды", - делінген ведомствоның хабарламасында.
Армения полициясының бастығы Арам Ованнисян жүргізушінің уәждері белгісіз екенін айтты, бірақ жүк көлігін басқарған кезде ол мас болған. Ал жабық алаңға қалай кірдің деген сұраққа ол "полицейлер бағытында жолмен жүрдім" деп жауап берген.
Оқи отырыңыз: Ресей әскерлерінің бір бөлігі Армениядан шығарылады.