"Мой город" порталы Атырау облысы ТЖД баспасөз қызметіне сілтеме жасай отырып, сағат 15: 55-те Қамыскөлден құтқарушылар 33 жастағы ер адамның денесін алып шығып, оны полицияға тапсырғанын жазады. Ол адамның бір апта бойы іздестірілгені белгілі. Туыстары оны Жем өзеніне балық аулауға кетіп, содан оралмағанын айтқан.
Сол күні сағат 16:15-те Махамбет ауданы Ақжайық ауылынан бес шақырым жерде құтқарушылар тасыған өзен суынан 24 жастағы жігіттің денесін алып шықты. Ол "Манаш" шаруа қожалығынан мал жаюға кетіп, сол күйі жоғалып кеткен екен.
Соңғы күндері облыста суға батқан үш адамның денесі табылды.