Шабуылдың видеосы әлеуметтік желілерде пайда болды. Кадрларда әйелдің пәтерден шығып, есікті жауып, баспалдақпен төмен түскенін көруге болады. Осы кезде ер адам баспалдақтың астынан шығып, оған бірнеше пышақ жарақатын салады. Әйелді құлаған күй қалдырып, қашып кетеді.
Қазір зардап шеккен адам жансақтау бөлімінде.
Атырау облысының ПД 9 маусымда Атырау қаласының көппәтерлі үйлерінің бірінің кіреберісінде 33 жастағы әйелді өлтіруге оқталу фактісі бойынша 29 жастағы күдіктіге қатысты сотқа дейінгі тергеу басталғанын хабарлады.
"Күдіктінің жеке басы анықталды, күдіктіні ұстауға бағытталған жедел-іздестіру шараларының кешені қабылдануда. Сот-медициналық сараптама тағайындалды. Қазіргі уақытта күдікті мен жәбірленушінің бұрын азаматтық некеде болғандығы анықталды. Өзге ақпарат тергеу мүддесі үшін жария етілмейді".Атырау облысы ПД баспасөз қызметі
Бұған дейін Алматы облысында тәртіп сақшысына шабуыл жасалған болатын.