ҚР Көлік министрлігінің ақпаратынша, бірінші жобада асфальт төсеу жұмыстары толығымен аяқталса, екінші күре жолдың 10 шақырымын ғана салу қалды.
Сурет: ҚР Көлік министрлігі
"Қазталов-Жәнібек-РФ шекарасы" күре жолының 142 шақырымына жаңа асфальт төселді. Қазір күрделі жөндеу жұмыстарының соңғы сатысы жүзеге асып жатыр. Жолшылар жол қауіпсіздігін арттыру мақсатымен елді-мекендердің қасымен өтетін жол бөлігіне жарықтандыру орнатып, қажет жол белгілерін орнатып жатыр. Жол қолданушыларының ыңғайы үшін бес жаңа санитарлық гигиеналық торабы бар демалыс алаңдары да қарастырылды",- деп хабарлады ведомство.
Айта кетейік, бұл жол облыс орталығын Казталов, Жәнібек және Бөкей ордасы аудандарымен байланыстырып, Ресей Федерациясына шығуға мүмкіндік береді.
Сурет: ҚР Көлік министрлігі
Мердігер ұйым Өнеге-Бисен-Сайқын күре жолының соңғы 10 шақырымын салып, аяқтайды. Бір ай ішінде мамандар жолды абаттандыру жұмыстарына кіріседі.
- Күрделі жөндеу жұмыстары аясында:
- аңа жарықтандыру орнатылады
- жол белгілерін орнату
- жол таңба сызығын сызу
Бұған дейін "Атырау-Астрахан" күре жолы қолданысқа берілетіндігі хабарланған болатын. Атылмыш жолды көлікпен 2,5-3 сағатта жүріп өтуге болады.