Марқұмның денесі оқиға орнынан 500 метр қашықтықта, өзеннің ағыс бойымен төменгі жақтан табылды, деп жазады otyrar.kz.
"Түркістан облысының 16 жастағы тұрғыны демалыс күні достарымен Сайрам-Өгем ұлттық табиғи паркіне барған. Тауда сарқырап ағып жатқан өзен тұсында ол селфиге түспек болады. Сол кезде оның аяғы тайып кетіп, мұздай суға құлайды", делінген хабарламада.
Қыздың денесі үш күн бойына іздестірілді. Құтқарушылардың жұмысын өзеннің қатты ағыны мен судың тастай суық болуы қиындатқан.