Сотпен анықталды:
- 2022 жылдың қаңтарынан бастап 2024 жылдың наурызына дейінгі кезеңде "Павлодар қаласындағы № 4 бөбекжай-бақшасы" МҚКК бухгалтері Б.А. осы бөбекжай-бақшасының шаруашылық меңгерушісі Б.Ж.-мен алдын ала сөз байласып, өзінің қызметтік бабын пайдалана отырып, есептік-төлеу туралы тізімді заңсыз жасау және өзінің банктік шотына және шаруашылық меңгерушісі Б.Ж.-ның банктік шотына заңсыз ақша аудару жолымен бюджет қаражатын жымқырған, сонысымен мемлекетке жалпы сомасы 41 миллион теңгеден астам мөлшерде материалдық залал келтірген.
- Осымен тоқтамай, осыған ұқсас қылмыстық схеманы пайдаланып, Б.А. 2023 жылдың қыркүйегі мен 2024 жылдың мамыры аралығында "Павлодар қаласының №7 бөбекжай-бақшасы" МҚКК-ның бухгалтері болып қызмет атқарып, жалпы сомасы 5 миллион теңгеден астам бюджет қаражатын жымқырған.
- Сондай-ақ, Павлодар қаласында болып қашықтықтан жұмыс істеп Аққулы ауданындағы "Қызғалдақ" бөбекжай-бақшасының бухгалтері бола тұра, 2023 жылдың желтоқсаны мен 2024 жылдың мамыры аралығында жалпы сомасы 7 миллион теңгеден астам бюджет қаражатын жымқырған.
Сот қандай жаза тағайындады
Сот жазаны жеңілдететін мән-жайларды — кінәсін толық мойындауды, шын жүректен өкінуді, оң мінезделуін, келтірілген зиянды ішінара өтеуді, Б.А.-ның бес жас баласының болуын ескере отырып, Б.А.-ны мемлекеттік ұйымдарда 5 жыл мерзімге бухгалтерлік қызметпен айналысу құқығынан айырумен, Б.Ж.-ны 5 жыл мерзімге мемлекеттік ұйымдарда қаржылық жауапкершілікке байланысты лауазымдарды атқару құқығынан айырумен, әрқайсысына 7 жыл мерзімге бас бостандығынан айыру түріндегі жазаны тағайындады.
Үкім заңды күшіне енген жоқ.
