ВАЗ-2114 автокөлігі Жандосов көшесімен шығыс бағытта келе жатқан. Zakon.kz тілшісінің мәліметінше, Автокөлік жүргізушісі қиылысқа жеткен сәтте оңтүстік бағыттан оған қарай бар жылдамдықпен Audi A8 көзді ашып-жұмғанша құйғытып жетіп келген.
Осылайша Audi ВАЗ-2114-ті киіп кетеді.
Қатты соққы салдарынан екіншісі бір орнынан айналып, жолдың шетіне ұшып кеткен. Екінші көлік те жолдан шығып, арыққа доңғалақтарымен "асылып қалған".
Сурет: Zakon.kz
Жол апатына себеп - Audi жүргізушісінің бағдаршамның тыйым салынған қызыл белгісіне тоқтамауы.
Салдарынан үш адам зардап шекті. Үшеуі де ВАЗ-2114 көлігінде болған.
ВАЗ-2114 көлігінің жүргізушісі мен 17 жастағы жолаушысының жағдайы ауыр.
Сурет: Zakon.kz
Негізгі соққы жүргізуші отырған тұстан тиген. Соқтығысу кезінде ол рөл мен жүргізуші орындығының арасында қысылып қалған. Оны алып шығу үшін оқиға орнына құтқарушылар келді.
Қатты соққыға қарамастан, Audi-де зардап шеккендер жоқ.
Бұған дейін Алматыда қалалық автобус пен автомобиль соқтығысқаны хабарланған болатын.