"КТК" телеарнасы ақпаратынша, марқұмдар бір көшеде тұрған және бір-бірімен таныс.
Тергеу мәліметтері бойынша, 15 жастағы студент пен 16 жастағы оқушының денелері ауылдың әртүрлі учаскелерінен табылды. Бірінші жасөспірімнің мәйітін бір күн бұрын інісі байланыс мұнарасы жанынан тапқан. Келесі күні оның танысы, мектеп оқушысының денесі, үйінің сарайынан табылды.
Көршілерінің айтуынша, жасөспірімдер көп балалы отбасылардан шыққан және жақсы мінез-құлыққа ие болған. Полиция екі жағдайдың да "суицидке әкелу" бабы бойынша тергеліп жатқанын және ресми түрде бір-бірімен байланысты емес екенін растады. Соған қарамастан, ауылда оқиғаның себептерін анықтау үшін психологтар, педагогтар мен инспекторлардан тұратын комиссия жұмыс істеуде.
Жамбыл облысы ПД ресми өкілі Гүлсара Мұхтарқұлова екі жағдай бойынша да сотқа дейінгі тергеу басталғанын айтты.
"Аталған деректер бойынша Байзақ аудандық полиция бөлімінің қызметкерлері сотқа дейінгі тергеп-тексеруді бастады. Болған оқиғаның мән-жайларын анықтау үшін қажетті кешенді тергеу шаралары жүргізіледі. Екі жағдай да бір-бірімен байланысты емес, қаза тапқандар туыс емес", — деді ПД.
Бұған дейін Ішкі істер министрлігі екі күнде іздеуде жүрген 280 қылмыскерді ұстағаны белгілі болды.