Полицияның мәліметінше, жүк тиегіштің жүргізушісі мас күйде болған, соның салдарынан қауіпсіздікке көз жеткізбестен бұрылыс жасаған. Нәтижесінде, Lada Priora көлігімен соқтығысты, көлік қатты соққыдан қарсы жолаққа шығып, Дулатов көшесінен шыққан Lexus-пен түйісті.
Апат салдарынан Lada Priora көлігінің жүргізушісі мен екі жолаушысы орташа жарақат алды. Зардап шеккендер медициналық көмек көрсету үшін ауруханаға жеткізілді.
Тиегіштің жүргізушісіне денсаулыққа зиян келтірген жол қозғалысы ережелерін бұзу фактісі бойынша сотқа дейінгі тергеу қозғалды.
Бұған дейін Талғардың шетінен Шерзат Полаттың ағасының мәйіті табылғаны хабарланған болатын.