Облыс әкімдігінің ақпаратынша, 25 желтоқсанда Ақтауға Ресейден ұшақ апатынан зардап шеккендерге көмектесу үшін медицина қызметкерлер мінген борт ұшып келген болатын. Бүгін, 26 желтоқсанда олар түрлі деңгейдегі жарақат алған 9 отандасымен бірге елдеріне қайтты.
"Ресейлік делегацияны Ақтау қаласының әкімі Әбілқайыр Байпақов бастаған Қазақстан халқы Ассамблеясының мүшелері, ел ақсақалдары мен жастар ақ тілектерін айтып, шығарып салды",- делінген әкімдік ақпаратында.
Айта кетейік, жарақат алғандардың барлығына Ақтаудағы ауруханаларда қажетті медициналық көмек көрсетілуде.
Сондай-ақ қалада Вице-премьер Қ.Бозымбаев бастаған Үкіметтік комиссия жұмыс істеп жатыр.
Маңғыстау облысының әкімі Н.Қилыбай қаза тапқандар мен зардап шеккендердің отбасыларына мемлекет тарапынан тиісті қолдау көрсетілендігін айтты.
Ақтаудағы ұшақ апаты жайлы соңғы ақпараттарды мына жерден оқи аласыз.