Lada.kz редакциясына 3 ақпанда Жаңаөзен қаласының тұрғындарынан мектепке дейінгі мекеменің 100 тәрбиеленушісінің тамақтан уланғаны туралы ақпарат келіп түскен. Кейбірі ауруханаға қаралуға барған.
Маңғыстау облысы Денсаулық сақтау басқармасының баспасөз қызметі 31 қаңтарда сағат 20:13-те жедел жәрдем қызметіне іштің ауыруына шағымданған тұрғындардан шақырту түскенін хабарлады. Дәрігерлер 37 адамды тексеріп, олардың төртеуі – бір ересек және үш бала – ауруханаға жатқызылды. Қалғандарына амбулаториялық тұрғыда ем алу тағайындалды.
Қазіргі уақытта балабақша жабық, тиісті органдар тексеру жүргізуде.
Айта кетсек, Қостанай облысында үш бала мен олардың атасы уланып, көз жұмған еді.