Жас жігіт "қоршаудан өтуге болмайды" деген нақты ескертуге қарамастан, оны бұзған. Оның бұзушылықтары былайша сараланды:
- қоршаудан асып өтті,
- түйеқұсты аяғымен тепті,
- жануарларды әдейі үркітті.
Мамандар мұны жабайылыққа жататынын нақтылайды.
"Жануарлар — ойыншық емес. Олар тіршілік иесі, сезеді, қорқады, күйзеліске түседі, ауырсынады. Егер жануарларға жанашырлығың жоқ болса — оларға жолама. Мазалама. Зиян келтірме". Шымкент қалалық хайуанаттар бағының әкімшілігі
Хайуанаттар бағының әкімшілігі қала тұрғындарына жүгініп, тағы мынандай мәлімдеме жасады:
"Бұл адамды таныған болсаңыз — бізге хабарласуыңызды сұраймыз. Қажет болған жағдайда құқық қорғау органдары қызметіне жүгінеміз. Жануарларға құрмет — адамгершіліктің белгісі".
Бұған дейін Алматы хайуанаттар бағы келушілер саны бойынша жаңа рекорд орнатқанын жазғанбыз.