Куәгерлердің айтуынша, екі көлік те солтүстік бағытта бірінің артынан бірі келе жатқан. Бір сәтте екеуі де қатар жүріп келе жатып, қатарын ауыстырмақ болған.
Сурет: Zakon.kz
Осы кезде Toyota көлігі Lexus-ты басып озуға әрекеттеніп, соқтығыс орын алған.
Сурет: Zakon.kz
Соқтығыс салдарынан Lexus-ты басқарған бойжеткен көлікке ие бола алмай қалған. Басқарусыз қалған көлік жол жиегіне қарай сырғып кеткен.
Сурет: Zakon.kz
Куәгерлердің айтуынша, жүргізуші көлікті тоқтатуға тырысқан, алайда көліктің дөңгелегі жарылып кеткен болуы мүмкін, оны тоқтату мүмкін болмаған.
Сурет: Zakon.kz
Кейін Lexus аялдамаға соғылып, оны жартылай қиратып, бір ағашқа, артынша тағы бір ағашқа соғылған.
Сурет: Zakon.kz
Абырой болғанда, сол сәтте аялдамада автобус күтіп тұрған қыз бала зардап шекпеген.
Сурет: Zakon.kz
Lexus көлігінде жүргізуші қыздан бөлек, 10 және 14 жастағы балалар болған. Олардың ауыр жарақаттары болмаса да, ауруханаға жеткізілді.
Сурет: Zakon.kz
Lexus жүргізушісі де шок жағдайында ауруханаға түсті. Қазір оған жедел ота жасалып жатыр.
Жол апаты болған жерде жол полициясы қызметкерлері жұмыс істеуде.