Өздеріңізге белгілі президентіміздің Жарлығымен қаңтар айында Ләззат Молдабекқызы Қалтаева сенат депутаты болып тағайындалды. Мүмкіндігі шектеулі азаматтың парламенттің депутаты тәуелсіз еліміздің тарихында алғаш рет орын алып отыр. Жалпы мемлекет басшысы бұл санаттағы азаматтардың саяси өмірге белсенді араласуына үнемі баса мән беріп келеді. Ләззат Молдабекқызының сенатор болуы соның нақты нәтижесі.ҚР Парламенті сенатының төрағасы Мәулен Әшімбаев
Сенат төрағасы мұндай қадам алдағы уақытта мүгедектігі бар адамдардың саяси және қоғамдық өмірдегі белсенділігін арттыруға ықпал ететіндігіне сенім білдірді.
Өз кезегінде Ләззат Қалтаева Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіне жүктелген мәртебелі міндеттерін адал атқаруға ант берді.