Парламент сенатының төрағасы Мәулен Әшімбаев парламенттің әр палатасы Конституциялық соттың үш судьясын дербес тағайындайтынын атап өтті. Кандидаттарды палата төрағасы ұсынады.
"Осыған байланысты КонституциялықсСоттың судьясы лауазымына Сарсембаев Ерлан Жақсылықұлының, Ескендіров Асан Қайруллаұлының, Қыдырбаева Айгүл Қуанышпаевнаның кандидатурасын ұсынамын".Парламент сенатының төрағасы Мәулен Әшімбаев
Сенат депутаттары судьялардың кандидатураларын қолдады. Олар жаңа қызметтеріне 2023 жылдың 1 қаңтарынан бастап кіріседі.
Бұған дейін мемлекет басшысы Қасым-Жомарт Тоқаев Эльвира Әзімованы ҚР Конституциялық сотының төрағасы қызметіне тағайындау туралы жарлыққа қол қойған еді.