ОСК хатшысы Мұхтар Ерман сайлауға шет мемлекеттер мен халықаралық ұйымдардың бақылаушыларын аккредиттеу бойынша жалпы ұсыныстарды таныстырды.
"Халықаралық бақылау институты ашылғаннан бері 14 шет мемлекет пен 3 халықаралық ұйымнан 111 байқаушы ресми тіркеуден өтті. Бүгінде Сыртқы істер министрлігінен 2 шет мемлекет пен 3 халықаралық ұйымнан 52 байқаушы тіркеуден өткізу ұсынылған еді", - деді ОСК хатшысы Мұхтар Ерман.
Атап айтқанда:
- Үндістаннан 3 кандидатура,
- Молдова республикасынан 2 байқаушы,
- ТМД байқаушылар миссиясынан 17 байқаушы,
- ТМД-ға қатысушы мемлекеттердің парламентаралық ассамблеясынан 28 байқаушы
- Шанхай ынтымақтастық ұйымынан 2 кандидатураны тіркеу ұсынылды.
Ұсынысты ОСК бір ауыздан қабылдады. Сонымен 19 наурызға белгіленген парламент мәжілісі мен мәслихаттар депуттаттарын кезектен тыс сайлауға шет мемлекеттер мен халықаралық ұйымдардың бақылаушыларынан 52 байқаушы аккредиттелді.