Елордалық полицияның баспасөз қызметі тәртіп сақшылары 19 және 25 жастағы екі жасты ұстағанын хабарлайды. Олар Small супермаркетінде сомасы 44 мың теңгенің "Мерси" шоколадтарын ұрлады деген күдікке ілінді. Бұрын екеуі де сотталған. Жауап алу кезінде олар кінәсін мойындады.
Сондай-ақ, 35 500 теңге тұратын JBL маркалы дыбыс күшейткіш колонканы ұрлағаны үшін елорданың 26 жастағы тұрғыны ұсталды. Қыз колонканы сатып алатын секілді оны қолына ұстап, ақырындап дүкеннен шығып кетеді. Ол тұрғылықты жерінен ұсталды.
Барлық фактілерге сәйкес, "Ұрлық" бабы бойынша сотқа дейінгі тергеу жүргізіліп жатыр, ұсталғандардың астана аумағында бұрын жасалған қылмыстарға қатыстылығы тексерілуде.