Ордабасы АПБ-нің 102 пультіне Шұбарсу ауылының әйел тұрғыны хабарласып, кәмелетке толмаған баласы жоғалып кеткенін айтқан.
Жоғалған бала 8-сыныпта оқыған, ол 18 желтоқсан күні белгісіз бағытқа хабар-ошарсыз кетіп, қайтып оралмаған.
Жоғалған жасөспірімді іздеуге аудандық полиция бөлімінің барлық жеке құрамы жұмылдырылды. Тәртіп сақшылары жақын маңдағы аумақтарды аралап, куәлардан жауап алды. Іздестіру шаралары барысында Ордабасы АПБ-нің полицейлері тұрғынның өз үйінің ауласындағы септиктен 14 жасар баланың денесін тапты. Түркістан облысы ПД баспасөз қызметі
Алдын ала болжам бойынша, кәмелетке толмаған жасөспірім септикке құлап, қайтыс болған. Сараптамалар тағайындалды.
Қазіргі уақытта оқиғаның барлық мән-жайы анықталып жатыр.
Түркістан облысының полицейлері ата-аналарға абай болу және балаларын қараусыз қалдырмау қажеттігі туралы ескертеді.
