Криминалдық полиция қызметкерлері жедел-іздестіру кезінде ұрлық жасады деген күдікпен 37 жастағы ер адамды ұстады.
Сотқа дейінгі тергеу барысында анықталғанындай, күдікті ер адам жәбірленуші қызбен бұрын бірге тұрып келген және сол адамда пәтердің кілті қалып қойған. Соны пайдаланған ер адам кешкі уақытта пәтердің иесі үйге келмей тұрып есікті ашып кіріп, теледидар мен зергерлік бұйымдарын жымқырып кеткен.Нұр-Сұлтан қаласының Полиция департаментінің баспасөз қызметі
Аталған ер адамнан түсініктемесі алынып заттай айғақтар тәркіленді және қазіргі уақытта сотқа дейінгі тергеу амалдары жүргізіліп жатыр. Нұр-Сұлтан қаласының Полиция департаменті бейтаныс адамдарға сенбеу қажеттігін ескертеді.