26 желтоқсанда Сауран АПБ-нің кезекші бөліміне Ескі Иқан ауылына қарасты Шымкент – Самара тас жолының 135-шақырымында жол-көлік оқиғасы орын алғаны жайлы хабар келіп түсті. Бірден тәртіп сақшылары жолға шықты. Полицейлердің анықтауы бойынша, сағат 22:15 шамасында Mercedes Benz жүк көлігі, Daewoo Nexia автокөлігі, оның соңынан ВАЗ-2105 ресей автокөлігі, сонымен қатар Toyota Сamry көліктері ауа райының қолайсыздығына байланысты бір-біріне соқтығысып, жол-көлік оқиғасын жасады. ҚР ІІМ баспасөз қызметі
Материалдық шығын келтірілген.
Аталған жайтқа қатысты жол апатын жасаған Mercedes Benz жүргізушісіне ҚР ӘҚБтК-нің 610-бабы 1-тармағымен (Көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы) бойынша хаттама толтырылып, Түркістан қалалық мамандандырылған әкімшілік сотына жинақталған құжаттар жолданды. ҚР ІІМ баспасөз қызметі