Облыстық ПД хабарлағандай, 18 ақпанда полиция қызметкерлері Тараздың 26 жастағы тұрғынын ұстады. Ер адамның айтуынша, ол бұрын жұмыс істеген кафенің шатырында атыс қаруы сақталған.
Оқиға орнына келген полицейлер полиция департаментінің қоймасынан ұрланған үш "Ақсу-74" автоматын тауып, тәркіледі. Аталған фактіге сәйкес, ҚР ҚК 287-бабы (Қаруды заңсыз сатып алу, беру, өткізу, сақтау, тасымалдау немесе алып жүру) бойынша сотқа дейінгі тергеу басталды. Тәркіленген қаруға сараптама тағайындалды. Жамбыл облысы ПД баспасөз қызметі
Ведомствоның мәліметінше, бүгінгі күнге дейін ұрланған 237 атыс қаруы, сондай-ақ 67 гранат пен 10 мыңнан астам оқ-дәрі тәркіленді.