Кісі өлтіргені үшін сотталып, жазасын өтеп жатқан ер адам бір блок темекіні камераға алып кірмекші болады. Бақылаушы оған темекі шегуге арналған арнайы орындар бар екендігін әрі камерада темекі сақтауға тыйым салынғанын еске салады. Өз кезегінде сотталған ер адам бақылаушыны бас салып, одан кейін кезекшіге қол жұмсайды.
Аталған факті бойынша ҚР ҚК 429-бабы 2-бөлігі (мекеме қызметкеріне қатысты күш қолдану қаупі) бойынша қылмыстық іс тіркеліп, ол Жезқазған қаласының сотында қаралды. Сот сотталған адамды кінәлі деп тауып, үш жылға бас бостандығынан айыру жазасын тағайындады. Қарағанды облысы бойынша ҚАЖД
Айта кетсек, сотталған ер адамның жазасын өтеп бітуіне екі жыл қалған еді. Енді қосымша жазаны қосқанда ол бес жылын төтенше қауіпсіздік мекемесінде өткеретін болды.