Қайғылы оқиға 1 сәуірде Ақтоғай ауылында орын алды. Ит үш және бес жастағы екі баланы талап тастаған, деп хабарлады Қарағанды облысы ПД.
Полицияға сағат 19:00 шамасында қоңырау келіп түсті. Полиция жеке үйдің ауласында ойнап жүргенде екі балаға байлаусыз қалған иттің шабуылдағанын анықтады.
Зардап шеккендер шұғыл ауруханаға жеткізілді, сол арада үш жасар бала алған ауыр жарақатынан қайтыс болды. Екінші бала ауруханаға жатқызылды.
Аталған дерек Ақтоғай ауданының полиция бөлімінде тіркелді. Тергеу амалдары жүргізіліп жатыр.