Алматы облысында мас жүргізуші көлігімен табын қойды жапырып өтті. 32 қой өлген

20 мамырда Алматы облысындағы Ақсай – Шонжы – Қалжат тас жолының 55-ші шақырымында, Ұйғыр ауданында жол апаты орын алды. Талғардың 25 жастағы тұрғыны көлігімен табын қойды жапырып өткен. Ол ұсталды, деп хабарлайды Zakon.kz.

Әлеуметтік желіде тараған ақпаратқа сәйкес, оқиға орнынан 32 қой өлі табылды.

Медициналық тексеру қорытындысына сәйкес, Toyota Land Cruiser жүргізушісі мас болған.

Жол-көлік оқиғасы фактісі бойынша ҚР ӘҚБК-нің 608 және 610-баптарында көзделген әкімшілік құқықбұзушылық бойынша іс қозғалды. Тәртіп бұзушы ұсталып, қамауға алынды. Алматы облысы ПД баспасөз қызметі