Абдумутал Алайдаров – Әуезов аудандық Полиция басқармасы жанындағы полиция бөлімінің Кезекші бөлімінің жедел кезекшісі, полиция майоры. Ал оның әйелі Жанар Алайдарова – Әуезов аудандық ПБ әкімшілік полиция бөлімінің әкімшілік тәжірибе бөлімшесінің аға инспекторы, полиция майоры. Олар 10 жылдан астам уақыт бұрын ғана ҚР ІІМ Шымкент заң колледжінің студенттері еді.
Ерлі-зайыпты оқу, отбасын құру, балалы болу, Алматыға көшу сияқты кезеңдердің бәрін бірге бастан өткізген. Қазір де олар бірге жұмыс істейді, бірге бала тәрбиелейді.
Жанар Алайдарова мұндай мамандықты таңдағанына мүлдем өкінбейтінін жеткізді. Жұмыс қиын, күш пен батылдықты қажет етеді.
Бірақ мұндай батылдық бекер талап етілмейтінін, бір жанға керек екеніңді түсінгенде, жұмыстың қиындығын елемейсің, – дейді полиция майоры Жанар Алайдарова.
Ерлі-зайыпты бәрін жылдам әрі нақты жасауға дағдыланған. Олардың 8 және 6 жасар екі қызы жұмыстан ата-анасын күтіп отырады екен. Жанардың айтуынша, қазір жолдасы кенже қызының денсаулығына байланысты ауысымдық жұмысқа ауысуға мәжбүр болған. Себебі Алайдаровтар отбасында өзара көмек бірінші орында.
Ерлі-зайыпты бөлімшеге шұғыл шақырған кездегі бір қызық оқиғаны бөлісті. Таңғы 5.00-де ата-ана қыздарын күтушіге апаруы керек болған. Бірақ Жанар мен Абдумутал асығып жүріп, қабаттарды шатастырып, басқа үйдің қоңырауын басыпты. Есіктің қоңырауынан оянған ер адам аң-таң болып қалған. Себебі полицияның екі қызметкері ештеңені байқамай, балаларды пәтерге кіргізіп, жүгіріп шығып кеткен. Бірнеше минуттан кейін ғана жағдай түзеліп, үй иесі балаларды жоғарыдағы қабатқа, күтушісінің үйіне апарып тастаған.
Ерлі-зайыпты полицей погондар отбасы бақытына кедергі келтірмейтініне сенімді. Жұмыс еңбекті талап етеді, төзім мен кәсібилікті қажет етеді. Бірақ Адбумутал да, Жанар да осы мамандықты таңдағанына ешқашан өкінген емес.
