Қарағанды қалалық ПБ мәліметінше, 15 шілдеде сағат 21:00 шамасында полицияға көпқабатты үйдің ауласынан жаңа туған бала табылғаны туралы хабарлама келіп түсті. Сәби шұғыл түрде медициналық мекемеге жеткізілді.
Тұрғын үй кешені тұрғыны кешке есік алдына шыққанда подъездің алдындағы орындықтың жанында қорапты байқағанын, ішін ашып қарағанда көрпеге ораулы баланы көргенін айтты. Ол шұғыл түрде баланы ауруханаға жеткізген.
Ауруханада нәрестенің шамамен екі сағат бұрын ғана дүние есігін ашқанын анықтады. Шала туылған баланың хәлі ауыр. Қазіргі уақытта бала перинаталды орталықта дәрігерлердің бақылауында, - дейді дәрігерлер.
Полицейлер баланың анасы, облыстың 23 жастағы тұрғынын анықтап, ұстады.
Аталған факт полицияда тіркелді. Тергеу жұмыстары қолға алынды.
