ШҚО бойынша ҚАЖД баспасөз қызметінің мәліметінше, бұл жолы Виктор мен Еленаның отбасында кішкентай бүлдіршінмен толықты. Олар екі жыл бұрын колонияда танысқан. Өткен жылдың соңында некелерін тіркеп, ерлі-зайыпты атанды.
Енді олар ата-ана атанып, жанұялары сәби иісімен толықты.
"Мен колонияда болсам да, бұл сен үшін үлкен бақыт және тағдырдың сыйы. Менің босатылуыма дейін қызым бізбен бірге тұрады. Бұл жерде мен және менің балам үшін колония қызметкерлері барлық жағдайды жасады. 4 айдан кейін күйеуім екеумізді бостандық күтіп түр", - дейді сотталған Елена.
Мекеме қызметкері Арай Көшербаева атап өткендей, отбасы - түзелу жолына түсудегі негізгі фактор, өйткені сотталғандардың жауапкершілік пен сенімділік сезімі артады.
Сурет: ШҚО бойынша ҚАЖД баспасөз қызметі
Жастарды отбасының толығуымен құттықтау үшін мекеме өкілдері жас ананы перзентханада гүл шоқтары мен шарлармен қарсы алды.
Бұл мекеме әкімшілігі үшін қуанышты сәт. Отбасын құру және жазасын өтеп жатқан адамдар үшін балалардың тууы одан әрі әлеуметтену үшін күшті ынталандыру болып табылады. Ол үшін біз өз тарапымыздан барлық күш - жігерімізді жұмсаймыз", - дейді ШҚО бойынша ҚАЖД ОВ 156/22 колониясының қызметкері, әділет капитаны Арай Көшербаева.
