Қайғылы оқиға 7 қыркүйекте сағат 13-45-те Ақтөбе қаласындағы Қонаев пен Құлымбетов көшелерінің қиылысында орын алды. Облыстық ПД баспасөз қызметінің мәліметінше, "Nissan Almera" маркалы көлігін тізгіндеген 35 жастағы жүргізушісі жаяу жүргіншілер жолағынан өтіп бара жатқан 63 жастағы әйел мен кәмелетке толмаған немересін қағып кетті.
Жол-көлік оқиғасы салдарынан әйел оқиға орнында көз жұмды, ал кәмелетке толмаған бала Ақтөбе қаласының балалар ауруханасына жеткізілді. Онда балаға алғашқы медициналық көмек көрсетіліп, кейін үйіне жіберілді. Ақтөбе облысы ПД баспасөз қызметі
Құзырлы ведомстваның мәліметінше, қазіргі уақытта Қылмыстық кодекстің "Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы" бабы бойынша тергеу әрекеттері жүргізіліп жатыр. Жүргізуші Ақтөбе қаласы полиция басқармасының уақытша ұстау изоляторына қамалды.