Жедел уәкілдердің айтуынша, Алматының Әуезов ауданында бірнеше қылмыстық эпизод тіркелген. Біреуінде қылмыскерлер 87 жастағы әжейдің мүлкін ұрлап кеткен.
Қаскөйлер өздерін ПИК қызметкерлеріміз деп таныстырып, алаяқтық жолмен қарттардың пәтерлеріне кірген. Әйел қарттардың назарын аулап тұрғанда қылмыстың тағы бір сыбайласы ұрлық жасаған.
“Шақырылмаған қонақтарды” зейнеткерлердің зәру жағдайда пайдаланамыз деп жинаған ақшасы мен әшекей бұйымдары қызықтырған. Анықталғандай, ұрлықтың өзі аз уақытты алған.
Осыған ұқсас бірінші қылмыс тіркеле салысымен арнайы жедел-тергеу тобын құрдық. Қаскөйлердің қылмыстық әрекетін зерттеп, ізіне түстік. Бейнебақылау камераларының деректері де жақсы көмек болды. Әуезов аудандық Полиция басқармасының бастығы Ұлан Әбілқайыр
Жедел іс-шаралардың нәтижесінде күдіктілер ұсталды. Олар 34 жастағы Ж.есімді азамат және 31 жастағы Х.есімді азаматша болып шықты. Екеуі де бұрын бөтеннің мүлкін ұрлағаны және қарақшылық шабуыл жасағаны үшін сотталған.
Қазіргі уақытта аудандық ПБ-ның жедел бөлімшесі жалпы шаһарда басқа да ықтимал эпизодтарды анықтау бойынша шаралар жүргізіп жатыр.
Күдіктілер қамауға алынды.
